మెగా హీరోలతో నటించే అవకాశం కోసం హీరోయిన్స్ చకోర పక్షుల్లా ఎదురు చూస్తు ఉంటారు. ముఖ్యంగా పవన్ కళ్యాణ్, చరణ్, అల్లు అర్జున్లతో నటించే అవకాశం వస్తే వారు స్టార్స్ అయినట్లే. అందుకే ఈ ముగ్గురు మెగా హీరోల సినిమాల్లో నటించాలని హీరోయిన్స్ కోరుకుంటారు ఇప్పటికే పవన్ కళ్యాణ్, అల్లు అర్జున్ల సరసన నటించిన సమంత ముచ్చటగా మూడవ మెగా హీరో రామ్చరణ్తో కూడా నటించాలని కోరుకుంటుంది ‘బ్రూస్లీ’ సినిమాలో ఈమెకు అవకాశం వచ్చినట్లే వచ్చి చేజారి పోయింది. సమంతను ఎంపిక చేసినట్లుగా వార్తలు వచ్చాయి. ఆ తర్వాత ఆ స్థానంలో రకుల్ ప్రీత్ సింగ్ను ఎంపిక చేశారు. తాజాగా సమంతకు మళ్లీ చరణ్ సరసన నటించే అవకాశం వచ్చినట్లే వచ్చి చేజారి పోయింది. టాలీవుడ్ నుండి అందుతున్న విశ్వసనీయ సమాచారం ప్రకారం ‘తని వరువన్’ రీమేక్లో హీరోయిన్గా సమంతను ఎంపిక చేసినట్లుగా ప్రచారం జరిగింది. చరణ్ కూడా సమంతకు గ్రీన్ సిగ్నల్ ఇచ్చాడు అన్నారు. కాని తాజాగా సమంత ఆ వార్తలపై స్పందిస్తూ ‘తని వరువన్’ సినిమాలో తాను నటించడం లేదు అంటూ తేల్చి చెప్పింది. ఈసారి ఏం జరిగిందో ఏమో కాని, ఈ సినిమాలో ఎంపిక అవ్వడం జరిగింది, మళ్లీ మిస్ అవ్వడం కూడా చకచక జరిగి పోయింది. సురేందర్ రెడ్డి దర్శకత్వంలో తెరకెక్కబోతున్న ఈ రీమేక్లో హీరోయిన్ ఎవరు అనేది త్వరలోనే అధికారిక ప్రకటన చేస్తాం అంటూ నిర్మాత ప్రకటించాడు. .
No comments:
Post a Comment